Ermal Mamaqi është rikthyer në ekran me emisionin e tij “6 ditë pa Ermalin” në “Digitalb”. Bashkë me skenat komike në spotin e sezonit të kaluar televiziv, të realizuara nga vetë ai ndërsa vrapon me veshje sportive mes makinave në trafikun e rënduar të Tiranës, vjen dhe një portret me nota humori për moderatorin.
Në spotin në fjalë ai cilësohet si shqiptari më i ndjekur në rrjetet sociale me gati 2 milionë ndjekës, pavarësisht se gjysmën e profileve i ka vetë.
Njeriu më i shëndetshëm mendërisht, mbase… Shiti 100 mijë bileta në kinema dhe nuk fitoi asnjë lekë. Ndër të tjera cilësohet si “krijuesi i të qëndruarit në këmbë edhe kur mund të rrish ulur.
Dhe një njeri me përmasa mbi normalen, besoj se e kuptoni vetë ku është fjala dhe këtë fjali e kërkoi të thuhej me patjetër”. Ndërkohë ai vetë ka mohuar lajmet se do të bëhet baba për herë të dytë, që e kanë shkruar të gjitha portalet së fundi nisur nga një intervistë që bashkëshortja e tij, Amarda Toska dha në emisionin e Tyrjan Hyskës./ Express
