Një konflikt raportohet të ketë ndodhur brenda repartit zjarrëfikës në Kavajë. Një zjarrëfikës është konfliktuar me kolegët e tij dhe ka kanosur me thikë dy prej tyre.
Zjarrëfikësit e përfshirë në konflikt janë pezulluar nga detyra dhe ndaj agresorit 52-vjeçar, është hapur procedim penal.
“Agjencia e Mbikëqyrjes Policore (Rajoni Durrës) ka referuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës materialet procedurale në ngarkim të punonjësit të MZSH-Kavajë, T. R., 52 vjeç, i dyshuar për kryerjen e veprës penale “Kanosje”.
Nga kryerja e veprimeve të para hetimore dhe deklarimeve të marra, rezulton se shtetasi T. R. ka kanosur me thikë pas një konflikti të çastit, dy kolegët e tij, të cilët ndodheshin në krye të detyrës.”– njofton AMP.
