Pas Konventës së 27 Prillit, ku u zgjodh president, Ilir Meta, ka njoftuar se do të ketë ndryshime në logon e Partisë.
Në një postim në rrjete sociale, Meta shkruan se në logo do të përfshihet ngjyra e gjelbër që sipas tij përfaqëson pranverën dhe rigjenerimin.
Postimi i Metës:
Kënaqësi e veçantë që pas Konventës së djeshme historike të Partisë së Lirisë, që do ta rivitalizojë atë në mënyrë të jashtëzakonshme, të shijojmë bashkë me znj. Edita Tahiri, gjelbërimin dhe lulet, në një ambient fantastik dhe madhështor për shkak të thjeshtësisë dhe origjinalitetit, në Priskë të Tiranës.
Me këtë rast shpreh kënaqësinë që ngjyrën e gjelbër të pranverës dhe rigjenerimit, nga dje e kemi pjesë të logos së Partisë të Lirisë! Ju urojmë një të diel të paqtë dhe të gëzuar me familjen dhe të dashurit tuaj!
