Qytetarët në Maqedoninë e Veriut votuan ditën e djeshme për presidentin e ri të shtetit.
Sipas rezultateve të deritanishme të publikuara nga Komisioni Shtetëror i Zgjedhjeve, kandidatja e partisë opozitare, VMRO DPMNE, Gordana Siljanovska- Davkova, po prin bindshëm në garën për të parin e shtetit.
Sipas KSHZ-së, nga 95% të votave të numëruara, këto janë rezultatet e kandidatëve për president:
1. Stevo Pendarovski – 171.325 | 19,94%
2. Gordana Siljanovska-Davkova – 345.329 | 40,19%
3. Stevçe Jakimovski – 7.836 | 0,91%
4. Bujar Osmani – 115.374 | 13,43%
5. Biljana Vankovska – 39.255 | 4,57%
6. Arben Taravari – 81.105 | 9,44%
7. Maksim Dimitrievski – 75.852 | 8,83%
Sipas Listës Zgjedhore të mbyllur të Komisionit Shtetëror të Zgjedhjeve, në vend janë regjistruar për të votuar 1.814.317 votues. Dalja në zgjedhje, sipas KSHZ-së deri në ora 18:30 ishte 48,46% apo 801.645 votues.
Dy kandidatët kryesues në garë do të përballen sërish me 8 maj, në raundin e dytë të zgjedhjeve presidenciale. Ndërkohë në ‘garën’ shqiptare fitoi Bujar Osmani nga Fronti Evropian përballë rivalit të tij, Arben Taravari nga koalicioni VLEN. Osmani doli i treti me radhë për nga numri i votave të përgjithshme me 13.36% të votave.
