Ka përfunduar seanca e mbajtur këtë të mërkurë për ish-ministrin Fatmir Mediu, i cili po hetohet për shpërdorim detyre për çështjen ‘Gerdeci’.
Pas daljes nga seanca në një deklaratë për mediat, Mediu u shpreh se kanë kë ekspertim për të përcaktuar shkakun e shpërthimit.
“Të bëhet aktekspertim për hamendësimet e bëra. Duhet të përcaktohet shkaku i shpërthimit. Ka ekspertë ushtarakë, si të dojë gjykatë shqiptarë ose të huaj. Nëse na kërkojnë mendim, do të sjellim emra të ekspertëve”, tha Fatmir Mediu.
Mediu foli edhe në lidhje me letërporositë nga SHBA, duke thënë se parapëlqen marrjen me pyetje në një diskutim interaktiv. “Do të konsultohemi me avokatët për qëndrimin e SHBA. Ne kërkuam diskutim interaktiv jo të ecet me letërporosi”, tha ai.
Ish-ministri, Mediu po hetohet për çështjen ‘Gërdeci’, tragjedia që ndodhi në 15 mars të 2008-ës, ku nga shpërthimi i punishtes së demontimit të armëve mbetën 26 të vrarë dhe qindra të plagosur. Mediu po gjykohet për dy akuza, atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.
Ish-ministri ka mohuar akuzat ndaj tij, duke u shprehur se gjatë detyrës ka zbatuar gjithnjë ligjin.
