Moti i keq me reshje shiu e dëbore ka pushtuar vendin paraditen e kësaj të diele, duke shkaktuar përmbytje, e problematika në qarkullimin e mjeteve dhe kalimtarëve.
Pas Pukës, Thethit e Vermoshit, dëbora ka zbardhur edhe Parkun Kombëtarë të Qafë Shtamës, siç mund të shihet dhe në foton e mëposhtme.
Raportohet se trashësia e dëborës në afërsi të kampit shkon rreth 10 cm, ndërsa deri më tani situata paraqitet e qetë dhe nuk raportohet për probleme.
Sakaq si pasojë e motit të keq janë shënuar edhe aksidente. Një automjet u aksidentua në Rrugën e Kombit fatmirësisht pa lëndime në njerëz.
Një tjetër aksident u regjistrua në Prrenjas ku një automjet u përmbys në rrugë si pasojë e lagështisë së shkaktuar nga reshjet.
