Reshjet e shiut dhe dëborës kanë “pushtuar” Shqipërinë. Ndërkohë që rrugët e Vlorës janë kthyer në një “Venecia” të vogël, veriu i vendit po ashtu dhe juglindja është mbuluar nga dëbora.
Një pjesë e “Rrugës së Kombit” është mbuluar nga bora. Siç shihet edhe në videon e dërguar për redaksinë e Boldnews.al, rruga në afërsi të tunelit të Kalimashit është zbardhur nga dëbora.
Deri më tani situata duket nën kontroll dhe dëbora nuk ka sjellë probleme në qarkullim.
Mësohet se në Fushë Studë, në njësinë administrative Stebleve dhe të gjithë fshatrat malorë të Librazhdit tashmë dëbora ka zbardhur gjithçka. Po ashtu dëbora ka rënë edhe në fshatrat malorë të Elbasanit e Gramshit dhe ndërkohë vazhdon të bjerë me intensitet mesatar në lartësinë mbi 750 m mbi nivelin e detit.
Reshjet e dëborës kanë përfshirë edhe zonën e Qafë Thores, që është pika me e lartë në Theth dhe Vermoshin në Kelmend, po ashtu edhe Pukën e Dibrën.
