Ambasadori i Bashkimit Europian në Tiranë, Silvio Gonzato ka shkuar këtë të enjte në ambientet e Kuvendit për të ndjekur nga afër punimet e seancës plenare.
Nuk dihen arsyet pse shefi i diplomacisë europiane në Shqipëri ka zgjedhur që të jetë i pranishëm në seancën e sotme.
Ditën e sotme në Kuvend ka pasur diskutime për projektligjin e propozuar nga qeveria për Institucionin e Prefektit i cili parashikon t’i japë atij kompetenca shtesë, duke kontrolluar pushtetin vendor.
