Ministri i Brendshëm Taulant Balla deklaroi në seancën e sotme plenare në Kuvend se tha se zjarri që dogji hektarë të tërë me pisha në pyllin e Pishë Poros, tetorin e kaluar u sponorizua nga biznesmenë që duan të ndërtojnë central fotovoltaik në zonën e mbrojtur.
Ministri Balla u shpreh se “pronarë tokash i gënjen mendja se duke i vendosur flakën zonave të mbrojtura do marrin leje për parqet fotovoltaike”.
Balla tha se duhen dënime më të ashpra për ata që vendosin zjarre me dashje.
““Do kërkoj ligj për mbrojtjen nga zjarri. Shkohet deri aty sa iu jepet ngjyrim politik arrestimeve për zjarrvënie. Na duhet ligj më i ashpër për ata që vënë zjarre me dashje.
Edhe për zjarrin e Pishë Poro kemi pasur disa prej arrestimeve. Edhe dyshimet e mija që i kam bërë publike në vendngjarje është për pronar tokash në atë zonë që i gënjen mëndje që duke i vënë zjarrin zonës së mbrojtur do të kenë shpresë të marrin ndonjë leje për fotovoltaik.
Në burg të shkojë kushdo që i vën flakën. Dhe thirrja ime është që kur të vijnë këtu institucionet e drejtësisë, KLP, KLGJ, vendosni në rekomandime që bën kuvendi që për zjarrvënien të jepet dënim maksimal e ta kalojmë me konsensus të gjithë bashkë. Se larg qoftë të gjendemi para situatës ku u gjendën komshinjtë tanë grekë. Prandaj dua që të japin prefektit këtë. Dua dhe mbështetjen tuaj që sapo të vijmë për ligjin për mbrojtjen kundër zjarrit të kem propozimet dhe mbështetjen tuaj,” tha Balla.
