Fati i 3-vjeçarit në Durrës, i cili është fshehur nga gjyshja e tij, nuk dihet ende ndërsa vijojnë kontrollet intenisve për gjetjen e tij. Nëna e tij deklaroi para policisë se gjyshërit e fëmijës e kanë rrëmbyer 3-vjeçarin.
Ndërkohë policia ka dalë më një tjetër njoftim në lidhje me këtë ngjarja ku bëjnë më dije se janë ndaluar dy persona.
Në fillim është raportuar ndalimi i gjyshit të 3-vjeçarit, Rexhep Gjuni ndërsa sot bëhet me dije se është ndaluar edhe një 49-vjeçar. Sipas policisë ky i ndaluar është vëllai i gjyshit të 3-vjeçarit. Ndërkohë janë shpallur në kërkim edhe dy të tjerë, përkatësisht gjyshja dhe vëllai i 57-vjeçares.
“Në vijim të punës që po kryhet nga Policia, me qëllim gjetjen e 3-vjeçarit që i është marrë nënës së tij, më datë 13.04.2024, dhe që dyshohet se po mbahet në mënyrë të padrejtë, nga gjyshërit e tij, si dhe me qëllim individualizimin e përgjegjësisë penale për këtë rast, ju informojmë se:
Komisariati i Policisë Durrës, në bashkëpunim me Drejtorinë Vendore të Policisë Kukës, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, kanë kryer kontrolle në disa banesa të të afërmve të gjyshes së 3-vjeçarit, në Kukës dhe në Has, ku kishte indicie se mund të mbahej i mituri.
Gjithashtu, është bërë ndalimi i shtetasve R. Gj., 60 vjeç, gjyshi i 3-vjeçarit, banues në Durrës dhe A. S., 49 vjeç, vëllai i gjyshes së 3-vjeçarit, banues në Has.
Më tej, janë shpallur në kërkim shtetasit B. Gj., 57 vjeçe, gjyshja e 3-vjeçarit, banuese në Durrës dhe F. S., 43 vjeç, vëllai tjetër i 57-vjeçares, banues në Has.
Policia e Shtetit, në drejtimin e Prokurorisë, po vijon pa ndërprerje kërkimet për gjetjen e 3-vjeçarit, për kapjen e 2 shtetasve të shpallur në kërkim, për individualizimin e përgjegjësisë penale të këtyre 4 shtetasve, si dhe për identifikimin dhe nxjerrjen përpara përgjegjsisë penale të shtetasve të tjerë që mund të jenë implikuar në këtë rast.”– thuhet në njoftimin e policisë.
