Zona veri-lindore e vendit është përfshirë nga moti i keq shoqëruar me reshje shiu e bore.
Në lartësitë mbi 700 metër ka pasur reshje dëbore deri në një trashësi prej 10 cm. Reshjet e borës që kanë përfshirë njësitë administrative: Arrën, Kalisë, Gryk Çajë, Bushtricë, Topojan, Zapot nuk kanë shkaktuar problematika në qarkullimin e automjeteve dhe banorëve.
Temperaturat në këto zona kanë zbritur deri -1 gradë. Ulja e temperaturave dhe reshjet e borës mendohet të ketë shkaktuar probleme në frutikulturë, shumë pemë frutore në këtë periudhë janë në fazën e lulëzimit.
Ndërsa në lartësitë nën 700 metër reshjet e shiut kanë sjell probleme në akset nacionale rrugore.
Problematikat janë shënuar në rënjen e gurëve e dherave, më problematike janë paraqitur akset nacionale Kukës-Shishtavec, Kukës-Peshkopi, Kukës-Qaf Mali, Has-Kam-Tropojë e Bajram Curri- Fierz, pasi në këto akse ka prezencë të rënjeve të gurëve.
