Deputeti i Partisë Demokratike Flamur Noka, teksa ka folur para fillimit të mbledhjes së Byrosë së Kuvendit, tha se mielli që hodhi në seancë ishte dhuratë për Ramën.
Ai shtoi se mielli u hodh pasi Rama konsumon kokainë, teksa u shpreh se seanca sot ishte vetëm fillimi.
‘Kjo seancë është vetëm fillimi, fillim i një betejë pa kthim kundër këtij kryehajduti, kryemafiozi”, deklaroi Noka.
Por pas tij një deklaratë ka dhënë edhe deputeti i PD, Ervin Salianji i cili tha se për Ramën dhe Ruçin të gjithë deputetët e opozitës duhet të ishin në internim.
“Nuk dëmtuan askënd. Mielli që u përdor ndihmon demokracinë, ndërsa mielli i Kolumbisë po shkatërron Shqipërinë. Vendimi që marrin për ne është i ditur, hyra vetëm për tu thënë shokëve janë vendime formale. Mund të marrin dhe vendime për të na internuar në Kampin e Tepelenës dhe të na internojnë. Nëse do të ishte për Gramoz Rucin dhe Edi Ramën në do të ishim prapa telave me gjemba. Reagimi sot i joni është një pjesë e vogël e revoltës së qytetarëve”, tha Salianji.
Ndërkohë dhe deputeti i Lëvizjes Socialiste për Integrim, deklaroi se me Ramën duhet ashpërsuar më tej situata, pasi ai nuk kupton.
Braimllari: Është kthyer në Byronë Politikë të partisë Shtet. Ai që i trajton qytetarët si organ gjenital, nuk përjashtohet, ne që i themi që të sillet mirë ne përjashtohemi. Ministri i Jashtëm është sjellë si rrugaç.
Dhe ju hodhët miell dhe ujë?
Braimllari: Opozita është në të drejtën e saj që të bëj ç’të dojë, pasi është në një qeveri ilegjitime.
Kundrejt saj do të ketë reagim më të ashpër dhe më të egër. Reagim tani është qytetar. Populli nuk ndalet në rrugën e tij.
