Ish-Kryeministri Sali Berisha ka përshëndetur qëndrimin e opozitës këtë të enjte në Kuvend, që bllokuan foltoren e Kuvendit duke kërkuar përjashtimin e Edi Ramës.
Në një prononcim pas përfundimit të seancës së tensionuar, Berisha tha se Kryeministri doli nga dera e pasme, duke thënë se të gjithë e dinë çfarë do të thotë kjo.
“Unë kam vetëm dy fjalë. Një përshëndetje të përzemërt, për të gjithë ata që po çojnë lart shpirtin e revoltës. Sot deputetët e opozitës nxorrën Edi Ramën, nga dera e pasme e parlamentit. Të gjithë kuksianët, dibranët, veriorët e dinë, se çfarë do të thotë të dalësh nga dera e pasme e Shqipërisë, nga dera e nevojtores.” tha Berisha
