Ka ndërruar jetë mëngjesin e këtij 9 prilli, poetja e njohur shqiptare nga Prizreni, Lindita Ahmeti. Ajo është ndarë parakohe nga jeta, ku ka mbyllur sytë përgjithmonë në moshën 50-vjeçare.
Lajmin e trishtë e ka bërë me dije vetë i ati, shkrimtari Xhabir Ahmeti, përmes një postimi në rrjetet sociale.
“Lajm i tmerrshëm. E humbëm edhe vajzën tonë të mrekullueshme Linditën para një gjysmë ore”, ka shkruar ai në rrjetet sociale.
Bota letrare, miqtë dhe familjarët janë në shok, pasi ndarja nga jeta e saj ishte e papritur.
Lindita Ahmeti lindi në Prizren më 26 prill 1973. Pasi mbaroi shkollën e mesme në Shkup, ajo studioi për filologji klasike në Fakultetin Filologjik në Universitetin e Shkupit.
Ajo vazhdoi letërsinë antike në Universitetin e Tetovës, ndërsa punoi në Institutin e Trashëgimisë Shpirtërore e Kulturore të Shqiptarëve. Ajo ka shkruar poezi në gjuhën shqipe dhe maqedonase që nga fillimi i viteve të ’90-ta. Ka botuar disa vëllime me poezi. Është fituese e përplot çmimeve dhe mirënjohjeve.
Lindita ishte vajza e shkrimtarit Xhabir Ahmet si dhe motra e aktorit të ndjerë Luran Ahmeti.
