Lista Serbe përmes një konference njoftoi se do të bojkotojnë votimin për largimin nga funksioni ose jo të kryetarëve shqiptarë në Mitrovice të Veriut, Zevçan, Leposaviç dhe Zubin Potok qe do të mbahet më 21 prill.
Përkundër se ne vazhdimësi kanë kërkuar largimin e kryetarëve shqiptarë dhe firmosën në mënyrë të organizuar për të mbajtur këtë votim tashmë do ta bojkotojnë pasi kryetari i këtij subjekti Zlatan Elek bëri fajtor Albin Kurtin.
Arsye për këtë u tha se listat e votuesve “nuk përkojnë me realitetin pasi vetëm në muajt e fundit janë larguar 15% e qytetarëve nga veriu”. Ata gjithashtu pretenduan se listat e votuesve janë fryrë me emra shqiptarësh.
Një tjetër arsye për bojkotim u tha se janë kamerat qe do të vendosen ne qendrat e votimit, qe sipas Listës Serbe, bëhen “për kërcënime dhe shantazhe”. Për të gjitha këto pretendime, Lista Serbe nuk ofroi asnjë dëshmi.
Largimin nga funksioni i kryetarëve shqiptarë në veri duhet ta mbështetet nga 50% + 1 votë, ndërsa në rast dështimi një votim i tillë nuk mund të mbahet pa kaluar një vit.
“Nuk kam parë që të mbahet ndonjë referendum në prani të kamerave. Propozimi është që referendumi të bëhet në shkollat që janë pjesë e sistemit arsimor serb. Shqiptarët duan që të vendosen kamera në çdo klasë dhe korridor, ndaj morën hua një numër të caktuar kamerash nga KQZ-ja në Shqipëri. Me të drejtë populli shtron pyetjen se si do të jenë kamerat në qendrat e votimit, nëse kemi komisione zgjedhore dhe kaq shumë kontroll dhe tani duhen më shumë kamera”, tha kryetari i Listës Serbe.
