Liverpool dëshmoi edhe një herë se deri më tani është skuadra numër 1 për të mposhtur ‘përbindëshin’ e Pep Guardiolës, Manchester City-n.
Gjithsesi ndeshja e zhvilluar mbrëmë në “Etihad Stadium” për “Chamnpions League” dhuroi shumë emocione, pasi në një moment shpresat e ‘qytetarëve’ për kualifikim u ngjallën.
Ishte Salah, i përhershmi për Liverpool, që me golin e barazimit shkrumboi çdo iluzion të vendasve.
Ky gol deçiziv nuk mund të mos festoj nga tifozët e “the reds”, por problemi i njërit prej tyre ishte se ndodhej mes tifozëve të Manchester City-t, në një nga tribunat e ‘Etihad Stadium’.
Këta të fundit nuk e kanë kapërdirë atë që po ndoshte dhe kana marrë ‘masat’, duke e goditur me grushte tifozin e Liverpool. Rebekah Parker, personi që filmoi incidentin, shkroi në Twitter:
“Kjo ndodh kur je tifoz i Liverpulit dhe feston golin e skuadrës tënde i ulur pranë tifozëve të City-t. Situata u zgjidh nga stjuardët, por është e pabesueshme ajo që ndodhi sepse ndodheshim në vendin e familjarëve, ku kishte plot fëmijë të vegjël”.
Videoja është parë më shumë se 400 000 herë në më pak se dy orë.
