Petrit Vasili, nënkryetari i Partisë së Lirisë, në një intervistë për Syri TV, tha se reformën në drejtësi nuk e ka bërë Edi Rama, por ai e ka vjedhur, e ka kthyer në një ramaformë.
Vasili tha se sot kemi një drejtësi që vepron me regji.
“Edi Ramën e gjeni pas çdo afere, por drejtësia nuk vepron. Sot kemi Edi Ramën dhe Erion Veliajn të paprekshëm, të pacënueshëm nga drejtësia, ndërsa për të shpëtuar ata, godasin ca kërma, ca drejtorë, ndërkohë që shkelësit e ligjit dhe kushtetutës janë të paprekur”, tha Vasili.
Lidhur me përfshirjen e Olsi Ramës në atë që njihet si dosja ‘Xibraka’, Vasili tha se denoncimi është bërë nga lideri i opozitës 8 apo 9 vite më parë, ndërsa sot gazment bardhi, kreu i Grupit Parlamentar të PD-së, kompletoi më shumë këtë denoncim.
“SPAK ka rihapur çështjen e Gërdecit megjithëse ajo është e gjykuar. Sot i kërkohet llogari z. Berisha për një vendim të 2006, që s’ka as shkelje asgjë, pra SPAK po merret me çështje të 18 viteve më parë.
Pra SPAK ka guxim të hapë çështje që nuk janë çështje, ndërkohë që në rastin e Olsi Ramës, që nuk është çështje e mbyllur, nuk hetohet”, tha Vasili.
