Tre ish-drejtorët dhe funksionarët e Bashkisë së Tiranës, të hetuar për korrupsion dhe shkelje të barazisë në tendera, dolën sot para togave të zeza të Gjykatës së Posaçme për t’u njohur me masën e sigurisë.
Gjykata e Posaçme ka lënë në burg 3 prej tyre dhe 5 të tjerë në detyrim paraqitje.
Në masën arrest me burg do të mbeten Mariglen Qato, ish drejtor i Inspektoriatit të Mbrojtjes së Territorit (IMT) në Bashkinë e Tiranës, Redi Molla, ish drejtori i UKT-së dhe Taulant Tushe, ish-drejtor i Punëve Publike në Bashkinë e Tiranës.
Sipas SPAK, Mariglen Qato dhe Redi Molla janë pronarë de facto të kompanisë 5D, e cila ka rezultuar fituese në disa tendera pranë bashkisë.
