Deputeti demokrat Tritan Shehu, ka komentuar pasditen e sotme Komisionin Hetimor për Shëndetësinë.
Në një intervistë për News 24, Shehu theksoi se në Shqipëri është krijuar monopol i privatit në shëndetësi. Ai shtoi se Chek Up ka qenë i shtrenjtë dhe nuk ka rentabilitetin e duhur kimik.
Shehu: “Laboratori nuk mund t’i jepet spitalit privat, siç ndodh në Shqipëri. Këto janë eksperimente të dështuara. Është krijuar një monopol i privatit, gjë që është e palejueshme në vendet e Europës, bie ndesh edhe me ligjin kundër monopolit. Kështu shkatërrohet konkurrenca dhe zhvillimi, por shkatërron edhe uljen e kostos. Chek Up për mua është investim shumë i madh dhe pa rentabilitet kimik.
Nuk kemi asnjë përfundim shkencor në vendin tonë për shumë çështje të rëndësishme për shëndetësinë. Mjekët e paguar nga shteti janë vënë në dispozicion të Chek Up. Është përdorur mënyrë e dhunshme për të siguruar pacientët për të bërë Chek Upin. Është shpenzim gjigand, sa edhe me çerekun e investimeve që janë bërë, do bënim shumë më mirë. Është rritur në mënyrë artificiale numri i pacientëve që bëjnë Chek Up”, deklaroi Shehu.
