Kompania ajrore e fluturimeve ‘Wizz Air’ ka shfaqur sërish problematika duke shtyrë udhëtimet dhe duke lënë pasagjerët në aeroport. Këtë herë “Wizz Air” ka lënë rreth 200 shqiptarë në aeroportin e Pragës, pasi fluturimi drejt Rinasit është shtyrë tre herë.
Rasti është denoncuar nga një pasagjer, i cili përmes një video të dërguar në Dosja.al, shprehet se Wizz Air ka shtyrë tre herë orarin e nisjes, pa dhënë asnjë sqarim shtesë.
“Herën e parë e ndryshoi në datë 21, herën e dytë sot në 12:00 dhe herën e tretë e ndryshoi po sot në orën 16:00, duke e shtyrë për në orën 19:10. Gjithë personat që kishin prerë një biletë me këtë kompani ndodhen në aeroport që në orën 15:30.
Avioni erdhi në orën 19:30, dhe Wizz Air mbylli gate-in dhe fluturimi u nis me vetëm 1/3 e pasagjerëve. Ndërsa rreth 200 pasagjerë tjerë shqiptarë kanë ngelur në aeroportin e Pragës, pa ditur çdo bëhet me ta”, tha ai.
Ndêrkohë kompania në një njoftim publik bën me dije shkaqet që kanë çuar në këtê situatë.
Wizz Air konfirmon se fluturimi me numër W4 6632 nga Praga në Tiranë i cili ishte i planifikuar të nisej me
25 Mars, në ora 17:50 është vonuar pasi priste mbërritjen e pasagjerëve që po kalonin kontrollin e sigurisë –
për fat të keq, procesi i kontrollit të sigurisë në Aeroportin e Pragës ka pasur vonesa të konsiderueshme.
Për shkak të kufizimeve operative në Aeroportin Ndërkombëtar të Tiranës (TIA), nisja ishte e domosdoshme
në mënyrë që të sigurohej mbërritja në kohë në Tiranë. Mosnisja do të rezultonte në pamundësinë për të
zbritur në TIA, duke lënë të gjithë pasagjerët e fluturimit në Pragë.
Duke e kuptuar shqetësimin e shkaktuar nga kjo situatë, u kërkojmë ndjesë të gjithë pasagjerëve të prekur.
Linja ajrore aktualisht po ofron akomodim për pasagjerët në Pragë dhe opsione fluturimi alternative për të
siguruar që pasagjerët të arrijnë në destinacionet e tyre sa më shpejt të jetë e mundur.
