Dashamir Shehi e ka cilësuar protestë simbolike uljen e qepenave nga biznesi i vogël ditën e sotme .Të gjitha bizneset e vogla ditën e sotme nga ora 11:00 deri në orën 12:00 biznesi i vogël ka protestuar Shehi shprehet se përmes kësaj proteste i përcjellim qeveris një mesazh sepse përfshirja e qeveris në skemën e TVSH-s është arrogante.
”Mbyllja një orë nuk e dëmton biznesin, por për t’iu dhënë një shenjë këtyre që vënë taksa në mënyrë arrogante. Këta me zor mbajnë veten, ndaj taksa është e tepërt, dëmton tregun e punës, biznesin e vogël në përgjithësi.
Nuk është kjo rruga për të zgjidhur problemet qeveria. Është shumë e parëndësishme taksa, dhunë ndaj më të varfrit, për të krijuar psikozën se kjo qeveri mund të marrë gjithçka. Ky është motivi i vetëm”, tha Shehi për ”Report TV”.
Në vijim ai u shpreh se këta nuk marrin vesh nga ekonomia, por kanë vetëm një qëllim, të dhunojnë qytetarin se vetëm kështu si në kohë të Enver Hoxhës do t’i kenë të gjithë nga pas.
“Nuk do vdesin të gjithë, por nëse këta njerëz këtu kanë fituar sa për të mbajtur familjen, s’do ju mbetet më asgjë, s’do jetojnë’”, tha ai.
