Një plagosje me armë zjarri ka ndodhur rreth orës 11:15 në Shijak. I plagosuri Enidor Dedja, 36 vjeç, ndodhet në spital në kujdesin e mjekëve, jashtë rrezikut për jetën.
Arbër Hoxha, ka plagosur në këmbë shtetasin Enidor Dedja, punonjës i subjektit tregtar që shet aksesor automjesh. 30-vjeçari ka qëlluar me breshëri plumbash të cilat nuk kanë prekur vetëm 36-vjeçarin, por edhe një autobusë të parkuar në anë të rrugës.
Policia dyshon se kanë qenë dy armë të përdorura në shkëmbimin e zjarrit, por nuk është e qartë nëse ka pasur përdorim armësh nga të dyja anët.
Raportohet se konflikti e ka pasur gjenezën më herët. Ende nuk dihet saktësisht motivi i konfliktit, por paraprakisht lidhet me një grindje e ndodhur për shkak të aktivitetit që zhvillonin vëllezërit Domi. Policia ka mësuar se një natë më parë, Arbër Hoxha ka pasur një sherr fizik në Durrës me një nga dy vëllezërit Domi, pronarë të subjektit tregtar dhe para se të qëllonte ai kishte shkuar për t’u sqaruar.
