Policia ka vënë në pranga një adoleshent në Fier, i cili lëvizte me pistoletën e mbushur me fishekë, në qytet.
Në cilësinë e provës materiale u sekuestrua arma e zjarrit dhe 13 fishekë.
Veprimet procedurale me të miturin vijojnë të kryhen në prani të psikologut, mbrojtësit ligjor, dhe prindit.
“Po këta specialistë kapën në flagrancë një shtetas 17 vjeç, banues në Fier, i cili lëvizte në qytet, me armë zjarri pistoletë, me municion, të cilën e mbante në automjetin që drejtonte pa leje. Sekuestrohet në cilësinë e provës materiale arma e zjarrit pistoletë dhe 13 fishekë. Veprimet procedurale me të miturin vijojnë të kryhen në prani të psikologut, mbrojtësit ligjor, dhe prindit.“- njofton policia.
Materialet procedurale i kaluan Prokurorisë për veprime të mëtejshme.
