Turqia vijon të jetë e tronditur pas asaj që ndodhi në fundin e ndeshjes Trabzonspor-Fenerbahçe, ditën e djeshme.
Teksa skuadra mike po festonte fitorenr 2-3, që i mbante në luftë për titull me Galatasaray-n, një grup i madh radikalësh nga skuadra vendase pushtuan fushën duke i sulmuar dhe futbollistët iu përgjigjën me shkelma dhe grushte.
Thuajse 24 orë nga ngjarja e rëndë, Fenerbahçe ka njoftuar se do të thërrasë Asamblenë e Përgjithshme të Jashtëzakonshme më 2 prill.
“Vlerësoni veprimet që duhen ndërmarrë, përfshirë tërheqjen e ekipit tonë të futbollit nga Superliga, bazuar në ngjarjet e ndodhura në ndeshjen e 17 marsit 2024 dhe ngjarjet e fundit në futbollin turk.
“Pse po na ndodh kjo? Pse po ndodh kjo me Fenerbahçen? Çfarë bëmë që të ketë një perceptim të tillë ndaj Fenerbahçes? Sot u sulmuam zyrtarisht nga tribuna në të dytën nga fansat. Është hera e parë në jetën time që e përjetoj diçka të tillë”, deklaroi Kartal, trajneri i “Fenerit”.
Së fundmi ka reaguar edhe presidenti i klubit të Fenerbahçes, Ali Koç, teksa ka thënë:
“Ajo që ndodhi mbrëmë është turp për Turqinë dhe sportin turk. Me keqardhje mësova se ka përpjekje të caktuara nga ana e Trabzonit dhe po dëgjojmë se këto tensione do t’ia atribuojnë Fenerbahçes.
Shpresoj që të mos e bëjnë këtë, asnjë president apo bordi drejtues nuk dëshiron që të ndodhë ajo që ndodhi dje”. Viktima e mbrëmshme është Fenerbahçe.
Ajo që u bë dje ishte plotësisht e organizuar. Dje nuk ka pasur polici në stadium. Nuk ka pasur asnjë kontroll kur tifozët kanë hyrë në stadium. Në stadiumin tim zbatohen të gjitha rregullat e kontrolleve. Nëse kjo përgjegjësi nuk tregohet jashtë, pse e kam unë fajin?
Nuk ka vend për Fenerbahçen në këtë ligë. Po mundohemi të luftojmë me ndershmëri. Nëse marrim këtë vendim, nuk do ta lë detyrën time si president.
