Një person është arrestuar nga Policia në Malësinë e Madhe, pasi akuzohet për ndërtime pa leje në një zonë të mbrojtur. Në pranga është vënë shtetasi A. B., 30 vjeç.
Sipas autoriteteve policore, ai kishte ndërtuar katër objekte druri mbi platforma të betonizuara në zonën e mbrojtur të Bogës, me qëllim shtimin e ambienteve për akomodimin e turistëve që vizitojnë zonën.
Materialet procedurale i kaluan Prokurorisë së Shkodrës për veprime të mëtejshme.
