Një numër i madh forcash policie kanë zbarkuar në Sauk, ku dyshohet se ndodhet Eljon Hato, i njohur si krahu i djathtë i Ervis Martinajt.
Hato është në kërkim nga SPAK si pjesë e dosjes ‘Metamorfoza’. Për këtë procedim penal, ai akuzohet për vrasje me paramendim të mbetur në tentativë, në dëm të Taulant Pepës.
Emri i tij është lakuar në shumë ngjarje të rënda kriminale të regjistruara në vitet e fundit.
Hato mbeti i plagosur në ngjarjen e ndodhur më 4 tetor 2018 në lokalin “Monopol” në zonën e ish-Bllokut, ku i pranishëm ishte edhe Ervis Martinaj.
Muajt e fundit, policia ka kryer disa aksione për arrestimin e Hatos.
