Ndërkombëtarët kanë përshëndetur marrëveshjen e firmosur këtë të premte në Konferencën e Kryetarëve mes mazhorancës dhe opozitës për ngritjen e komisioneve hetimore parlamentare për koncesionet në shëndetësi dhe ndërhyrjen në sistemin TIMS.
Ambaasa e SHBA-së në Tiranë, përmes një reagimi në rrjetet sopciale, teksa mirëpret marrëveshjen, inkurajon deputetët që të vijojnë të tregojnë përkushtim ndaj demokracisë në të mirë të popullit shqiptar.
“Ambasada e Shteteve të Bashkuara në Tiranë mirëpret marrëveshjen e Konferencës së Kryetarëve për rikthimin e rendit normal në Parlament. Ne nxisim deputetët të vazhdojnë të tregojnë përkushtim ndaj demokracisë në dobi të popullit shqiptar.” thuhet në postimin e ambasadës amerikane.
Po ashtu, ka ardhur një reagim dhe nga ambasadori i Bashkimit Europian në Tiranë, Silvio Gonzato, i cili në një postim në rrjetet sociale vlerëson lidershipin dhe përgjegjësinë e treguar nga palët në arritjen e marrëveshjes. Ai shton më tej se delegacioni i Bashkimit Evropian ka theksuar vazhdimisht se një asamble funksionale është çelësi për procesin e integrimit në BE.”
“Mirëpres vendimin e sotëm të konferencës së kryetarëve, i cili bën të mundur rifillimin e funksionimit normal të parlamentit dhe vlerësoj lidershipin dhe përgjegjësinë e treguar nga palët në arritjen e marrëveshjes. Delegacioni i Bashkimit Evropian ka theksuar vazhdimisht se një asamble funksionale është çelësi për procesin e integrimit në BE.” shkruan diplomati europian.
