Portieri David Raya ishte heroi i mbrëmjes së sotme për Arsenalin, me skuadrën e Artetës që arriti të kualifikohej me penallti përballë Portos, pas 7 sezonesh.
Në një lojë nervash në veri të Londrës, në të cilën Topçinjtë u futën me barrën e humbjes 1-0 të ndeshjes së parë, goli i Leandro Trossard i ktheu ata në kushte të barabarta.
Arsenali dominoi lojën dhe krijoi më shumë raste gjatë 90 minutave. Madje arriti të shënojë sërish, por goli i Martin Odegaard u anulua për një faull nga Kai Havertz.
Ndeshja shkoi në kohë shtesë, por asnjëra nga skuadrat nuk dukej e gatshme të angazhonte lojtarët në sulm total. Radha i erdhi gjuajtjeve të penalltisë.
Këtu, David Raya bëri heroin me bëri dy pritje, të dyja në krahun e majtë të majtë, duke i mohuar golat Wendell-it dhe Galeno-s për Porton. Ndërkohë, të gjithë lojtarët e Arsenalit u treguan të saktë nga pika e bardhë.
