Portugezi Ruben Saraiva, i akuzuar për vrasjen e Biznesmenit Ardian Nikulaj në biznesin e tij në Shëngjin, ka dalë këtë të hënë para gjykatës.
Nën masa të rrepta sigurie, Saraiva ka kërkuar pafajësinë për çështjen me të cilën akuzohet.
Avokati i tij Kujtim Cakrani tha se prokuroria nuk ka prova se ai është vrasësi i biznesmenit Ardian Nikulaj, në Shëngjin rreth një vit më parë.
‘Ne si përfaqësues ligjore të Ruben Saraivës kishim kërkuar që të rishikonim masën e sigurimit. Në u njohëm me aktet e prokurorisë dhe kemi caktuar datën 20 për të dhënë masën e sigurimit. Kërkojmë një masë më të butë. Është person nën hetim. Në këto kushte jemi akoma në hetime ku prokuroria mend se është ky person që ka kryer vrasjen. Do njihemi me aktet që i morëm sot. Sot prokuroria ka sjellë fashikujt. Se dimë se çfarë prokuroria shpjegon. Hetimet i bën prokuroria. Është shtyrë seanca se nuk kishte përkthyes. Po të kishte prova çështja do të ishte përfunduar. Akoma nuk ka prova të mjaftueshme ta implikojnë shtetasin Ruben Saraiva për vrasjen e Nikulajt. ‘- tha Cakrani.
Sakaq Ruben Saraiva është lënë në masën e sigurisë “arrest me burg” të caktuar më herët ndaj tij, dhe vendimi pritet të merret më datë 20 mars.
