Lidhur me ngjarjen e rrëzimit të helikopterit ku gjetën vdekjen dy pilotë dhe një tjetër mbeti i plagosur, ka reaguar nëpërmjet një postimi i Facebook, kreu i Partisë Demokratike, Lulzim Basha.
“Tronditës pa masë lajmi i aksidentit tragjik të helikopterit të Forcave te Armatosura, ku humbën jetën kapiteni Florian Deliaj, togeri Donald Hoxha dhe ku mbeti i plagosur efektivi Gerald Baramuça”, ka deklaruar Basha.
Kreu i opozitës i ka shprehur “ngushëllimet më të sinqerta të afërmve dhe miqve të Florianit dhe Donaldit për rënien e tyre në detyrë”, ndërsa ka uruar shërim të shpejtë për Geraldin”.
“Jemi sot në krah të familjarëve të viktimave dhe burrave e grave në uniformë, në këtë ditë të vështirë për ta”, ka thënë më tej Basha.
Ja çfarë shkruan Lulzim Basha:
Tronditës pa masë lajmi i aksidentit tragjik të helikopterit të Forcave te Armatosura ku humbën jetën kapiteni Florian Deliaj, togeri Donald Hoxha dhe ku mbeti i plagosur efektivi Gerald Baramuça. I shpreh ngushëllimet më të sinqerta të afërmve dhe miqve të Florianit dhe Donaldit për rënien e tyre në detyrë, dhe uroj shërim të shpejtë për Geraldin. Jemi sot në krah të familjarëve të viktimave dhe burrave e grave në uniformë, në këtë ditë të vështirë për ta.
