Është mbyllur pjesa e parë mes Milanit dhe Slavias së Pragës e vlefshme për fazën e 1/8-ve të Europa League.
Milan ka arritur të gjejë golin e avantazhit ndaj çekëve në minutën e 34-t. Leao ka asistuar për Giroud dhe sulmuesi francez nuk ka gabuar.
Por vetëm dy minuta më pas, çekët kanë gjetur golin e barazimit edhe pse janë me 10 lojtarë.
Kuqezinjtë morën sërish epërsinë në minutën e 44’ me anë të Reijnders për rezultatin 2-1.
Ndërkohë sapo nisi koha shtesë e fraksionit të parë, Loftus-Cheek ndëshkon sërish Slavian duke çuar të qetë skuadrën e Piolit në pushimin e pjesëve.
