Zbardhet dëshmia e 77-vjeçarit Nazif Musaj, i cili plagosi rënë më armë zjarri të vëllanë.
Ngjarja ndodhi në fshatin Çukas të vjetër, në Lushnjë, ku dy vëllezërit u përfshinë në një konflikt mes tyre. Të lënduarit janë Nazif e Azis Musaj, përkatësisht 77 dhe 70 vjeç.
Sherri ndodhi rreth orës 8 të mëngjesit dhe sipas bluve, ka pasur si shkak mosmarrëveshjet që kishin palët për çështje pronësie. Konflikti mes vëllezërve degradoi në atë pikë, sa që sipas policisë, Azis Musaj ka goditur me sopatë vëllanë e tij Nazifin, ndërsa ky i fundit e ka qëlluar të parin me armë zjarri.
Të dy u transportuan në spital për të marrë ndihmë mjekësore. Nazif Musaj është plagosur me sëpatë në dorë dhe fytyrë, ndërsa vëllai i tij Azisi është plagosur me plumb në kokë edhe është transportuar në gjendje të rëndë në spitalin e Traumës në Tiranës.
Arma e zjarrit dhe sopata, të përdoruara gjatë konfliktit, janë sekuestruar.
Nazif Musaj ka deklaruar për policinë se vëllai i vogël e ka goditur i pari dhe prandaj ai u detyrua të nxirrte armën dhe ta gjuante. Sipas dëshmisë, ai donte të vriste dhe veten, por e pa që vëllai ishte gjallë dhe nuk e bëri këtë veprim.
“Vëllai më i vogël më goditi disa here duke më vënë poshtë. I gjendur në këto kushte nxora pistoletën dhe e qëllova. Kisha kohë që kisha probleme me të, kisha njoftuar dhe te policin e zonës. Pasi e qëllova me pistoletë doja të vrisja dhe veten, por e pash qe ai nuk vdiq dhe nuk e bëra këtë veprim”, mësohet të jetë shperhur 77-vjeçari.
