Deputeti i Partisë Demokratike, Lulzim Basha ka njoftuar këtë të shtunë hapjen e shkollës politike “Sabiha Kasimati”, dedikuar grave dhe vajzave.
Gjatë fjalës së tij, Basha theksoi se ky projekt ka për synim fuqizimin e rolit të vajzave dhe grave në vendim marrje. Ai shtoi më tej se do të propozojë që në çdo degë të PD, së paku një grua të ketë post drejtues, teksa do t’i dëgjojë propozimet e tyre për programin e PD-së.
“Fjalët nuk mjaftojnë për të shprehur mirënjohjen e madhe ndaj nënave e grave shqiptare. Unë e di që ditët janë shumë të vështira për çdo grua. Ato sakrifikojnë më shumë se kushdo për të siguruar mirëqenien e familjes, për t’u kujdesur për fëmijët dhe punët e përditshme të shtëpisë.
Presioni që po shkakton emigracionin bie mbi gjithë shoqërinë, por askush nuk e ndjen më shumë se nënat shqiptare. Është e kotë të themi që ka një barazi rolesh. Sa më e sigurt, e pavarur dhe e sukseshme të jetë një grua, aq me e fortë do të jetë familja dhe më e shëndetshme do të jetë shoqëria, ti japim hapesire ne drejtim. Une do të kërkoj që në çdo degë, një grua të ketë një post drejtues.
Zëri i gruas është më i besueshëm se është dhe zëri i sakrifices më të madhe, është ajo që ashtu si për familjen e di kush është e mira apo e keqja edhe për Shqipërinë e njejta gjë. Prandaj duhet te jeni ju që të ofroni zgjidhje, të jeni zeri kryesor i propozimeve në programin tonë dhe ato që e përhapin më pas dere më derë”, – tha Basha.
Kujtojmë se Sabiha Kasimati ka qenë biologe, punonjësja e parë shkencore shqiptare e pushkatuar nga komunizimi në masakrën e 26 shkurtit të vitit 1951, pas ngjarjes së shpërthimit të bombës në ambasadën sovjetike
