Një zjarr i fuqishëm ka rënë në ish-depozitën e karburantit në Ballsh, pasditen e sotme. Flakët kanë përfshirë ish-depozitën e naftës bruto me kapaciteti prej 10 mije metër kub. Raportohet se në të kishte ende mbetje të naftës bruto, ndërsa mësohet se depozita i përkiste repartit të transportit të naftës në ish KPTHN në Ballsh e repartit 16/1.
Nga raportimet e deritanishme thuhet se shkak për rënien e zjarrit është bërë një grup që po punonte për shkatërrimin e depozitave të vjetra, pajisjet e të cilëve kanë rënë në kontakt me mbetjet e naftës bruto dhe gazrave duke bërë që këto të fundit të shpërthejnë.
Sakaq, nga shpërthimi nuk janë raportuar viktima apo persona të lënduar.
