Një zjarr i fuqishëm është regjistruar në orët e pasdites së të premtes në qytetin e Ballshit duke shkaktuar panik te banorët e zonës.
Sipas raportimeve paraprake mësohet se zjarri është shkaktuar nga një depozitë karburanti brenda ambienteve të Kombinatit të Përpunimit të Thellë të Naftës në Ballsh.
Flakët janë përhapur me shpejtësi dhe kanë përfshirë dhe pyllin me pisha në zonë, teksa zjarrfikësit kanë shkuar menjëherë në vendngjarje.
Paraprakisht nuk raportohen të lënduar, teksa shkaqet e zjarrit në depozitën e naftës janë ende të paqarta.
