Dhjetëra banorë të fshatrave që përshkon Lumi i Vlorës protestuan për gati 1 orë ditën e sotme në afërsi të Kuçit, aty ku dhe buron lumi Shushica.
Banorët e 37 fshatrave ku kalon lumi kanë kundërshtuar projektin e ujësjellësit.
Ky projekt parashikon devijimin e ujit nga Lëpusha – burimi kryesor i Shushicës, drejt Himarës dhe fshatrave të tjerë të vijës bregdetare për t’u shërbyer rreth 80 mijë banorëve dhe turistëve që pushojnë në rivierën e Jonit gjatë muajve të verës.
Kjo është hera e katërt që janë ngritur në protestë për pezullimin e projektit të ujësjellësit. Sipas tyre, lumi Shushica është i vetmi burim jetese për këto zona, pasi nga ky ujë vaditen tokat e pijnë bagëtitë, por është dhe një atraksion turistik.
