Një pikë këmbimi valutor ka rënë pre e grabitjes mbrëmjen e kësaj të enjte në zonën e Kombinatit në Tiranë.
Autoritetet policore raportojnë se një person ende i paidentifikuar, veshur me bluze të kuqe dhe i maskuar, dyshohet se nën kërcënimin e një pistolete lodër, ka vjedhur një shumë parash tek pika e këmbimit valutor.
Ngjarja ka ndodhur rreth orës 20:10, teksa hajduti pasi ka marrë lekët është larguar në drejtim të paditur.
Grupi hetimor ndodhet në vendngjarje dhe po punon për identifikimin dhe kapjen e autorit.
