Policia ka reaguar mbi ngjarjen në Fier, ku u raportua se disa punonjës të një kompanie koreane ishin asfiksuar, ku dyshohej për shkak të rrjedhjes së lëndëve kimike.
Autoritetet bëjnë me dije se tetë punonjëse të kompanisë janë dërguar në spital ku kanë marrë ndihmë mjekësore. Shtatë prej tyre më pas janë larguar drejt banesave të tyre, ndërsa njëri ka qëndruar në spital, gjithsesi ndodhet jashtë rrezikut për jetën. Mësohet se ata kanë patur asfiksi, si dhe skuqje në pjesët e krahëve.
Incidenti ndodhi në kompaninë koreane “YURA”, e cila operon në sektorin e pajisjeve elektrike për automjetet, aktivitet që e ushtron prej 5 vitesh.
Njoftimi
Rreth orës 20:30, disa punonjëse të një kompanie për prodhimin e sistemit elektrik dhe të pjesëve automobilistike, kanë shfaqur probleme shëndetësore dhe kanë kërkuar ndihmë mjekësore.
7 prej tyre kanë marrë ndihmën e parë në ambientet e kompanisë, dhe janë larguar në banesë, ndërsa njëra prej tyre vijon të marrë ndihmën mjekësore në spital, ku ndodhet jashtë rrezikut për jetën.
Grupi hetimor po punon për përcaktimin e shkakut dhe dokumentimin e plotë ligjor të ngjarjes.
