Ndeshja e prapambetur sot në Korçë mes Skënderbeut dhe Dinamos, kishte një rëndësi të veçantë për renditjen e Superiores.
Fitorja e “bluve” të kryeqytetit ka bërë që tashmë ata ta shohin veten për herë të parë mes pretendentëve për fitoren e titullit kampion.
Me tre pikët e fituara sot, Dinamo është ngjitur në vendin e katërt në klasifikim me 35 pikë të siguruara pas 24 javësh.
Një situatë që ka nxjerrë jashtë katërshes së parë Tiranën e cila i ndjek me një pikë më pak dhe sheh t’i rrezikohet seriozisht prania në “Final Four”.
Ndeshjet e radhës në kampionat të bluve ndaj Vllaznisë, por edhe të Skënderbeut kundër Partizanit, apo Tiranës ndaj Laçit, do të jenë shumë të rëndësishme për të parë se si do të jetë situata e ekipeve të cilat kanë hedhur sytë dhe shohin si objektiv katërshen e parë.
Klasifikimi:
