Kreu i Partisë së Lirisë, Ilir Meta, ka reaguar për pasqyrimin që i është bërë në mediat e huaja protestës së opozitës të mbajtur pasditen e djeshme (20 shkurt) para Kryeministrisë.
Krahas disa artikujve të ndryshëm të mediave ndërkombëtare, Meta shprehet se ky është një sukses i madh i betejës së opozitës.
“Protesta e djeshme madhështore e qindra mijëra qytetarëve të lirë kundër narkoshtetit dhe mesazhi i qartë që ajo dha është përcjellë gjerësisht në mediat më prestigjioze të botës.
Një sukses i madh në arenën ndërkombëtare i betejës pa kthim të popullit shqiptar në mbrojtje të pluralizmit, të lirive, të drejtave dhe dinjitetit njerëzor!”– shkruan Meta.
