Një ngjarje e rëndë ka ndodhur në Fshatin Rezallë të Komunës së Skenderajt në Kosovë. Një i moshuar rreth 77-vjeç ka humbur jetën teksa ishte duke tentuar të shuajë një zjarr në mal.
Identiteti i viktimës nuk bëhet ende me dije, ndërsa mediat vendase shkruajnë se trupi i tij është gjetur nga familjarët, që më pas kanë njoftuar policinë.
Mbeten ende të paqarta shkaqet dhe rrethanat e ngjarjes, ndërsa autoritetet kanë nisur hetime lidhur me rastin.
“Pas pranimit të një informate për një person të lënduar, njësiti policor ka dalë në vendin e ngjarjes ku në një fushë kanë hasur viktimën mashkull kosovar.
Në vendin e ngjarjes ka dalë edhe ekipi mjekësor i cili ka konstatuar se viktima është pa shenja jete. Dyshohet se viktima ka vdekur duke u munduar ta shuaj zjarrin që ishte duke u djegur një fushë e lirë dhe një pjesë e pyllit (malit) pronë e tij, e cila është lokalizuar nga njësiti zjarrfikës”, thuhet në njoftimin e policisë së Kosovës.
