Trajneri i “Zonjës së Vjetër”, Max Allegri thotë se humbja 3-0 e pësuar nga Real Madridi në Champions League duhet të arkivohet menjëherë.
“Le të shkojmë në Benevento të reagojmë dhe të ruajmë diferencën me Napolin në garën për Scudetto”, tha trajneri i Juves.
Dybala – “Ai bëri një ndeshje më të mirë kundër Realit, por kartoni i kuq bëri punën e vet”.
Higuain –“Mbase pushon, por nuk e kam vendosur akoma”.
Bentancur – “Lojtari për të ardhmen e Juventusit”.
Buffon – “Luan Szczesny, Chiellini vështirë se do të jetë në fushë, gjithashtu as Howedes”.
Gjendja e grupit – “Ne të gjithë jemi të zhgënjyer dhe pak të dëshpëruar, por kemi punuar shumë mirë në fushë”.
Champions – “Ne do të shkojmë në Bernabeu me besim më të madh, jemi të plagosur, por jo të vdekur”.
Golat nga jashtë zonës – “Dybala, Pjanic, Khedira dhe Douglas Costa janë mjaft të mirë dhe ne kemi një avantazh”.
Mbi stimujt – “Statistikat e Juventusit në katër vitet e fundit në Evropë janë shumë të mira. Të jesh fitues është diçka e jashtëzakonshme, por nuk mund të fitoni gjithmonë. Juve ka punuar për të ardhmen, sepse ka dhjetë lojtarë të rëndësishëm që nga viti 1990 deri në vitin 1997. Kjo është mënyra më e mirë për t’u rritur”.
Fundi i ciklit – “Ne e kemi ripërtërirë ekipin. Në verë do të kemi një merkato të madhe, siç ka qenë gjithmonë. Ne duhet të mendojmë në lidhje me fundin e sezonit. Pas finales në Cardiff mendova, që duhet gjithmonë të ketë më shumë stimuj. Unë kam një kontratë me Juventusin dhe jam i lumtur këtu, tani nuk mund të mendoj për këtë”.
