Presidenti i Ukrainës, Volodymyr Zelenskyy ka reaguar për vdekjen e kritikut të Vladimir Putinit, duke thënë se presidenti rus është përgjegjës.
Duke folur nga Gjermania, ku po mbahet Konferenca e Sigurisë, udhëheqësi ukrainas tha se presidentit rus nuk i intereson kush vdes për sa kohë që pozicioni i tij në krye të shtetit është i sigurt.
“Natyrisht se ai u vra nga Putin. Si mijëra të tjerë që janë torturuar. Kjo tregon se përse Vladimir Putin duhet të humbasë gjithçka dhe të mbajë përgjegjësi për veprimet e tij”, shtoi ai.
Alexei Navalny vdiq këtë të premte në burg, për shkaqe ende të panjohura, ndërsa sipas burimeve ruse mjekët u përpoqën ta shpëtonin për 30 minuta, por fatkeqësisht nuk ia dolën.
