Drejtuesit e Interit janë afër nënshkrimit me portierin premtues të Ukrainës, Andriy Lunin, raporton “La Gazzetta dello Sport”.
19-vjeçari është një nga portierët më të talentuar të futbollit në panoramën evropiane dhe sipas gazetës italiane zikaltrit, pothuajse kanë siguruar shërbimet me futbollistin premtues.
Inter është gati të nënshkruajë me 19-vjeçarin një marrëveshje të përhershme dhe ta japë me huazim për dy sezonet e ardhshme, për ta ndihmuar atë që të rritet dhe të fitojë më tepër eksperiencë, për të qenë gati për zikaltirt.
Arsenali dhe Juventusi gjithashtu po monitoronin futbollistin e talentuar, por Interi ishte më i shpejtë në finalizimin e marrëveshjes me lojtarin.
Të dy klubet shfaqën interes duke nisur kontaktet për të nënshkruar me Lunin, por lojtari njoftohet, se vendosi të refuzojë të dy klubet dhe të shkojë në Inter.
Gjigandët e Serie A dhe Premier League e kanë nevojë të domosdoshëm një portier të ri sezonin e ardhshëm, pasi Buffon ka gjasa të dalë në pension, ndërsa Petr Cech është 35 vjeç dhe Arsenali duhet të gjejë një zëvendësues të besueshëm për ish-yllin e Chelsea-t.
Gjithsesi,pavarësisht pozicionit në klasifikim dhe emrit të madh që kanë si Juventusi ashtu edhe Arsenali, 19-vjeçari i talentuar ka vendosur t’i bashkohet Interit, që në këtë edicion lufton për t’u bërë pjesë e Champions League vitin e ardhshëm.
Lunin pritet të bëhet zëvendësuesi i Samir Handanoviç pas disa vitesh kur sllovaku të “varë këpucët në gozhdë”.
Në këtë edicion Andriy Lunin është aktivizuar me ekipin e Zorya, që militon në Premier League të Ukrainës.
Nga 25 ndeshje që janë zvhilluar deri më tani, në 22 prej tyre ka qenë në portë duke treguar një nivel të lartë.
Kjo do të jetë aventura e parë për 19-vjeçarin jashtë vendit, pasi më herët ishte aktivizuar me ekipin e Dnipro po në Ukrainë.
