Një automjet tip “Range Rover” është grabitur një ditë më parë në Maliq.
Ngjarja ka ndodhur në fshatin Sovjan, ku automjeti ishte parkuar në oborrin e banesës së një 55-vjeçari. Ende nuk dihet kush janë autorët, ndërkohë rasti është nën hetim nga policia.
Gjithashtu njoftohet se po në atë zonë pranë banesës janë vjedhur cigare dhe produkte ushqimore nga një kioskë.
Njoftimi i policisë:
Më datë 13.02.2024, në fshatin Sovjan, Maliq, në oborrin e banesës së shtetasit A. K., 55 vjeç, është vjedhur automjeti tip “Range Rover”, në pronësi të djalit të këtij shtetasi. Gjithashtu, në një kioskë që ndodhej në afërsi të kësaj banese, janë vjedhur disa steka me cigare dhe produkte ushqimore. Vijon puna për identifikimin dhe kapjen e autorëve.
