Një tjetër shqiptar ka shënuar sot në Superligën turke pas Rey Manajt, i cili i dhuroi Sivassporit fitoren falë një kryevepre nga goditja e dënimit.
Florian Loshaj zhbllokoi takimin Istanbulspor-Gaziantep. Ishte minuta e shtatë kur mesfushori i Kosovës kaloi vendasit në avantazh.
27-vjeçari nga Drenica shfrytëzoi në maksimum një asist të Sambissas dhe tundi rrjetën kundërshtare me një goditje potente.
Ky është goli i dytë sezonal në kampionatin turk për Loshajn, autor i 22 ndeshjeve me përfaqësuesen e Kosovës.
