Një gol spektakolar u shënua në Kategorinë e Parë në duelin mes Korabit dhe Vorës që përfundoi me rezultatin 1-2.
Ishte minuta e 31-të, kur futbollisti Sokol Mziu, i skuadrës dibrane, rrëmbeu skenën me një gjuajtje të kalibruar nga goditja e këndit, duke e dërguar topin drejt e në rrjetën e portës së mbrojtur nga portieri mik Arbër Jata.
Një realizim tepër special, që nuk haset shpesh në ndeshje të këtyre niveleve.
Goli i shënuar nga Mziu, vendosi baraspeshën e përkohshme, ndërkohë që Vora në fund të sfidës arriti të triumfonte me rezultatin 1-2 pas golit të Albi Xhebrahimit në fundin e takimit.
View this post on Instagram
