Igli Tare po e shfrytëzon takimin e parë çerekfinal të Ligës së Evropës kundër Salzburg-ut edhe për punë. Drejtori sportiv i Lazio-s ka piketuar dy futbollistë të skuadrës austriake. Ata janë kosovari Valon Berisha dhe Moanes Dabour.
Berisha ka lindur në Malmo të Suedisë, ka luajtur me kombëtaret e moshave të Norvegjisë dhe tani ka zgjedhur të jetë pjesë e kombëtares së Kosovës. “Te Salzburg-u më pëlqen Berisha dhe e ndjek prej kohësh sepse është i zoti. Ashtu si edhe Dabour.”, u shpreh Tare.
