Një ngjarje e rëndë është regjistruar këtë të hënë në Tropojë, ku një 20-vjeçar është vrarë aksidentalisht me armë zjarri, gjatë gjuetisë.
Viktima është shtetasi E. H., 20 vjeç, banues në Tropojë, teksa ngjarja ka ndodhur rreth mesditës në fshatin Kepenek. Policia ka arrestuar autorin shtetasin G. N., 38 vjeç, banues në fshatin Viçidol të Tropojës.
“Nga veprimet e shpejta hetimore rezultoi se shtetasi G. N., gjatë gjuetisë, dyshohet se aksidentalisht ka qëlluar me armë zjarri, shtetasin E. H., i cili për shkak të dëmtimeve ka humbur jetën, në një sipërfaqe pyjore, në vendin e quajtur “Përroi i Kepenekut”. Gjatë kontrollit në zonë është gjetur dhe është sekuestruar 1 armë zjarri pushkë gjysmë automatike dhe municion luftarak. Shërbimet e Policisë shoqëruan në Komisariat, për veprime të mëtejshme, shtetasin G. N., 38 vjeç, banues në fshatin Viçidol, Tropojë dhe në përfundim të veprimeve të para u bë arrestimi i tij.” thuhet në njoftimin e Policisë.
Në drejtimin e Prokurorisë po vijon puna për dokumentimin e rrethanave të kësaj ngjarjeje
