Humb jetën në mënyrë tragjike një fëmijë 3 vjeç në Spitalin e Durrësit. Ai është paraqitur në gjendje të rëndë shëndetësore dhe fillimisht u raportua se ishte me temperaturë të lartë.
Pas disa minutash ndërhyrje nga ana e mjekëve, nuk është arritur të kthehet në jetë. Paraprakisht dyshohet se i mituri ka pasur komplikacione si pasojë e bllokimit të rrugëve të frymëmarrjes ndërsa ushqehej.
Burime nga Spitali i Durrësit shprehen se i është dhënë ndihma e duhur nga mjekët specialistë, por pavarësisht ndërhyrjes së tyre gjendja shëndetësore ishte mjaft e rëndë dhe nuk u arrit që të mbahet në jetë. Për çështjen kanë nisur hetimet dhe pritet që autopsia të nxjerrë shkakun e vërtetë të ngjarjes së rëndë.
